मास्क शिवाय फिरणा-यांवर कारवाई
Date : 14 Sep 2021
शहरात कोरोनाचा प्रादुर्भाव कमी झाला असला तरी कोरोना विषाणूचा संसर्गाचा धोका अद्यापही टळला नाही. आताही अनेक ठिकाणी नागरिक सुरक्षित अंतर पाळत नसल्याचे दिसून येते. नागरी भागात तर विनामास्क नागरिक बाजारपेठेत फिरतांना दिसतात ही बाब घातक आहे. त्यामुळे उपद्रव शोध पथकाव्दारे अशाप्रकारे बेजबाबदारीने स्वत:चे आरोग्य, कुटुंबाचे आरोग्य व समाजाचे आरोग्य धोक्यात घालणा-या नागरिकांवर कडक कारवाई करीत आहे.
नागपूरात रुग्णांच्या संख्येवर नियंत्रण करण्यासाठी महानगरपालिकेचे उपद्रव शोध पथक दररोज दहा ही झोनमधील मास्क शिवाय फिरणा-या बेजबाबदार नागरिकांविरुध्द कारवाई करीत आहे. नागरिकांना कोरोनापासून बचाव करण्यासाठी मास्क लावणे, सामाजिक अंतराचे पालन करणे, हात स्वच्छ धुणे इ. ची सूचना नागपूर मनपा व्दारे वारंवार केली जात आहे. सुजाण व जबाबदार नागरिकांनी आता मास्क लावून आपली व आपल्या परिवाराची सुरक्षा करावी, असेही आवाहन म.न.पा.तर्फे करण्यात आले आहे.
मंगळवारी मनपा उपद्रव शोध पथकाव्दारे लक्ष्मीनगर झोन अंतर्गत ४, धरमपेठ झोन अंतर्गत १०, गांधीबाग झोन अंतर्गत ४, सतरंजीपुरा झोन अंतर्गत ५, लकडगंज झोन अंतर्गत १, आशीनगर झोन अंतर्गत १० आणि मंगलवारी झोन अंतर्गत ५ जणांविरुध्द ही कारवाई शोध पथकाचे प्रमुख विरसेन तांबे यांच्या मार्गदर्शनात करण्यात आली. आतापर्यंत ४०२९५ बेजबाबदार नागरिकांकडून रु १ कोटी ८५ लक्ष ६ हजार ५०० दंड वसूल करण्यात आले आहे.
३ प्रतिष्ठानांवर कारवाई
नागपूर महानगरपालिकेच्या उपद्रव शोध पथकाने मंगळवारी (ता.१४) कोव्हिड नियमांतर्गत उल्लंघन केलेल्या ३ दुकान/प्रतिष्ठानावर कारवाई करुन २५ हजार रुपयांचा दंड वसूल केला. पथकाने ४२ प्रतिष्ठाने व मंगल कार्यालयांची तपासणी केली. यापैकी हनुमान नगर झोनमधील एका व मंगळवारी झोनमधील दोन दुकानांवर कारवाई करीत २५ हजार रुपये दंड वसूल करण्यात आला.