अतिरिक्त आयुक्त श्रीमती आंचल गोयल यांनी दिली विविध बाजारपेठांना भेट
Date : 28 Mar 2024
याप्रसंगी मनपाचे उपायुक्त श्री. गजेंद्र महल्ले, श्री. प्रकाश वराडे, नागपूर@२०२५चे मुख्य कार्यकारी अधिकारी श्री. मल्हार देशपांडे, समन्वयक श्री. निमिष सुतारीया, गौरी सहस्रबुद्धे यांच्यासह मार्केट असोसिएशनचे प्रतिनिधी, संबंधित झोनचे सहायक आयुक्त, झोनल अधिकारी प्रामुख्याने उपस्थित होते. स्वच्छ, सुंदर आणि स्वस्थ नागपूर या संकल्पनेला मूर्तरूप देण्यासाठी नागपूर महानगरपालिका आणि नागपूर@२०२५ यांच्या संयुक्त विद्यमाने “स्वच्छ मार्केट स्पर्धेचे” आयोजन करण्यात आले आहे.
यावेळी श्रीमती आंचल गोयल यांनी मार्केटमधील स्वच्छता, डोअर टू डोअर कलेक्शन यांच्यासह इतर कार्या संदर्भात अधिकाऱ्यांना आवश्यक त्या सूचना दिल्या. तसेच मार्केट असोसिएशनच्या अध्यक्षांसोबत चर्चा केली. श्रीमती आंचल गोयल यांनी मंगळवारी बाजार, गड्डीगोदाम दुकानदास संघ, जरीपटका बाजार, कमाल बाजार, कॉटन मार्केट, संत्रा मार्केट, फिश मार्केट, नेताजी फुले मार्केट, ठोक व चिल्लर फूल विक्रेता, सीताबर्डी मार्केट, बुधवार बाजार, सक्करदरा मार्केट परिसराला भेट दिली. यावेळी शहरातील मार्केटचा विकास व सौंदर्यीकरण करणे हे या स्पर्धेचे मुख्य उदिष्ट आहे. बाजारपेठ यांची स्वच्छता, कचरा वर्गीकरण, परिसरातील स्वच्छतेची स्थिती, सिंगल युज प्लास्टिकचा वापर न करणे, विविध उपक्रम राबविणे आदी विविध मापदंडानसंदर्भात श्रीमती गोयल यांनी बाजारपेठ परिसराची पाहणी केले. चर्चेदरम्यान मनपाचे उपायुक्त डॉ. गजेंद्र महल्ले यांनी मनपाद्वारे सुरु असलेले विविध स्वच्छता उपक्रमाची माहिती दिली.