कारगिल विजय दिनी “अमर जवान” स्मारकाची स्वच्छता
Date : 26 Jul 2024
भारतीय सैन्याच्या असीम शौर्याची आठवण जागृत ठेवणाऱ्या कारगिल विजय दिनानिमित्त नागपूर महानगरपालिकेच्या चमुद्वारे अमर जवान शहीद स्मारकाची व थोर हुतात्मा यांच्या पुतळयाला स्वच्छता करून समस्त हुतात्म्यांना आदरांजली अर्पण करण्यात आली.
Back To Home Page
स्वच्छ, सुंदर आणि स्वस्थ नागपूर साकारण्यासह शहराच्या सौंदर्य करण्याच्या दृष्टीने नागपूर महानगरपालिका विशेष कार्य करीत आहे. 25 व्या कारगिल विजय दिनानिमित्त नागपूर महानगरपालिकेच्यावतीने अमर जवान शहीद स्मारकासह शहरातील विविध ठिकाणी असणाऱ्या स्वातंत्र्यसैनिकांच्या पुतळ्यांची देखील स्वच्छता करण्यात आली.
मनपा आयुक्त तथा प्रशासक डॉ. अभिजीत चौधरी यांच्या मार्गदर्शनात व अतिरिक्त आयुक्त श्रीमती आंचल गोयल यांच्या नेतृत्वात आणि दहाही झोनचे सहायक आयुक्त यांच्या देखरेखीत शहरातील दहाही झोन मध्ये असणाऱ्या स्वातंत्र्यसैनिकांच्या पुतळ्यांस्थानी श्रमदान करण्यात आले. स्वच्छतेदरम्यान नागरिकांनी देखील श्रमदान करीत उपक्रमाला उत्स्फूर्त प्रतिसाद दिला.