NMC News

भारतीय संविधानाने १८ वर्षावरील प्रत्येक नागरिकाला मतदानाचा अधिकार दिला आहे. मतदान हे आपले राष्ट्रीय कर्तव्य आहे, तरी देखील नागरिक मतदानासाठी उदासीन दिसून येतात अशात नागरिकांना मतदानासंदर्भात जागृत करण्यासाठी नागपूर महानगरपलिकेच्या वतीने स्वीप कार्यक्रमात रविवारी 17 नोव्हेंबर रोजी सकाळी 9.30 वाजता मतदान जनजागृती “बाईक रॅली” चे आयोजन करण्यात आले आहे. नागरिकांनी मोठ्या संख्येत बाईक रॅलीत सहभाग नोंदवित मतदानाचा जागर करावा असे आवाहन प्रशासनाच्या वतीने करण्यात येत आहे.

बाईक रॅली कार्यक्रमात नागपूर विभागीय आयुक्त विजयलक्ष्मी बिदरी, नागपूर पोलीस आयुक्त डॉ. रवींद्र कुमार सिंगल, मनपा आयुक्त तथा प्रशासक डॉ. अभिजीत चौधरी, नागपूर जिल्हाधिकारी डॉ. विपिन इटनकर, जिल्हा परिषदेचे मुख्य कार्यकारी अधिकारी श्री. विनायक महामुनी, मनपाच्या अतिरिक्त आयुक्त श्रीमती आंचल गोयल, अतिरिक्त आयुक्त श्री. अजय चारठाणकर, जिल्हा परिषदेच्या अतिरिक्त मुख्य कार्यकारी अधिकारी श्रीमती वर्षां गौरकर, मनपाच्या उपायुक्त डॉ. रंजना लाडे, उप मुख्य कार्यकारी अधिकारी श्री.कपील कलोडे, जिल्हा क्रीडा अधिकारी श्रीमती पल्लवी धात्रक, मनपाचे क्रीडा अधिकारी डॉ. पियुष आंबुलकर यांच्यासह मनपा, जिल्हा परिषद व जिल्हाधिकारी कार्यालयाचे अधिकारी व कर्मचारी प्रामुख्याने उपस्थित राहणार आहेत.
रविवार 17 नोव्हेंबर रोजी सकाळी 9.30 वाजता नागपूर महानगरपालिका मुख्यालय, सिव्हिल लाईन्स येथून रॅलीला सुरुवात होईल. पुढे व्हीसीए चौक- जिल्हाधिकारी कार्यालय-आकाशवाणी चौक- जी.पी.ओ. चौक-जिल्हापरिषद कार्यालय- पोलीस आयुक्त कार्यालय -लेडिज क्लब चौक- जी.एस.कॉलेज चौक- शंकरनगर चौक- झाशी राणी चौक-लोहापुल नवीन अंडर पास उजवी कडे- मोक्ष धाम चौक- जाटतरोडी (रामबाग) -मेडिकल चौक -क्रीडा चौक-सोमवारी कॉर्टर- सक्करदरा चौक- मंगलमूर्ती लॉन चौक- जगनाडे चौक-गंगाबाई घाट चौक-टेलिफोन एक्सचेंज चौक- सी. ए. रोड- मेयो हॉस्पिटल चौक- एल.आय.सी.चौक- कडबी चौक-कडबी चौक पुलिया-छावणी-सदर होत मनपा मुख्य कार्यालय येथे रॅलीचे समापन होईल. तरी नागरिकांनी मोठ्यासंख्येत उपस्थित राहावे असे आवाहन प्रशासनाच्या वतीने करण्यात आले आहे.