नागपूर महानगरपालिकेच्या उपद्रव शोध पथकाद्वारे सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई केली जात आहे. सोमवार (ता.7) रोजी शोध पथकाने 32 प्रकरणांची नोंद करून 21,200/- रुपयाचा दंड वसूल केला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. 400/- दंड) या अंतर्गत 17 प्रकरणांची नोंद करून 6,800/- रुपयांची वसुली करण्यात आली.व्यक्तीने रस्ता,फुटपाथ,मोकळी जागा अशा ठिकाणी कचरा टाकणे (रू.100/-) या अंतर्गत 04 प्रकरणांची नोंद करून 400/- चे दंड वसुल करण्यात आले. दुकानदाराने रस्ता, फुटपाथ,मोकळी जागा अशा ठिकाणी कचरा टाकणे (रू.400/-दंड) या अंतर्गत 05 प्रकरणांची नोंद करून 2,000/- रूपयांची वसुली करण्यात आली. वाहतूकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 10 प्रकरणांची नोंद करून 7,000/- रुपयांची वसुली करण्यात आली. बांधकामाचा कचरा सार्वजनिकरस्ता,फुटपाथ,मोकळी जागा अशा ठिकाणी टाकणे या अंतर्गत 01 प्रकरणांची नोंद करून रू.1,000/-ची वसुली करण्यात आली. उपरोक्त यादीत न आढळणारे इतर उपद्रव व्यक्ती असल्यास 10 प्रकरणांची नोंद करून 2,000/- दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास 02 प्रकरणांची नोंद करून रु.2,000/- चे दंड वसूल करण्यात आलेला आहे. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
तसेच उपद्रव शोध पथकाने लक्ष्मीनगर झोन अंतर्गत मे. मंजुषा अॅफिनिटी यांच्यावर रस्त्यालगत सी अँड डी कचरा टाकल्याबद्दल रु. 5,000/- चे दंड वसूल करण्यात आले. धरमपेठ झोन अंतर्गत मे.रवी कंसट्रक्शन्स यांनी रस्त्यालगत सी अँड डी कचरा टाकल्याबद्दल रु. 5,000/- चे दंड वसूल करण्यात आले. हनुमान नगर झोन अंतर्गत शेषराव भोवते यांनी रस्त्यालगत सी अँड डी कचरा टाकल्याबद्दल रु. 5,000/- चे दंड वसूल करण्यात आले. गांधीबाग झोन अंतर्गत मे.श्री.क्रिष्णा स्टोअर्स यांनी प्रतिबंधात्मक प्लास्टिक पिशवीचा वापर केल्याबद्दल रु. 5,000/- चे दंड वसुल करण्यात आले. सतरंजीपुरा झोन अंतर्गत मे. अंजली स्वीटस यांनी प्रतिबंधात्मक प्लास्टिक पिशवीचा वापर केल्याबद्दल रु. 5,000/- चे दंड वसुल करण्यात आले. मंगळवारी झोन अंतर्गत मे. सीगनेचर एलाईट यांनी बांधकामाचे साहित्य रस्त्यालगत टाकल्याबद्दल रु. 10,000/- चे दंड वसूली करण्यात आली.उपद्रव शोध पथकाने 06 प्रकरणांची नोंद करून रू. 35,000/- दंड वसूल केला.
