नागपूर महानगरपालिकेच्या उपद्रव शोध पथकाद्वारे सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई केली जात आहे. शुक्रवार(ता.31) शोध पथकाने 63 प्रकरणांची नोंद करून 48,300 रुपयाचा दंड वसूल केला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. 400 दंड) या अंतर्गत 25 प्रकरणांची नोंद करून 10,000 रुपयांची वसुली करण्यात आली. दुकानदाराने रस्ता, फुटपाथ,मोकळी जागा अशा ठिकाणी कचरा टाकणे (रू.400 दंड) या अंतर्गत 2 प्रकरणांची नोंद करून 800 रूपयांची वसुली करण्यात आली. मॉल, उपहारगृहे, लॉजिंग, बोर्डींग हॉटेल, सिनेमा हॉल, मंगल कार्यालय, कॅटरर्स सर्व्हिस प्रोव्हायडर इत्यादींनी रस्ता या अंतर्गत 1 प्रकरणांची नोंद करून 2,000 रुपयांची वसुली करण्यात आली. वाहतूकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 11 प्रकरणांची नोंद करून 14,500 रुपयांची वसुली करण्यात आली.उपरोक्त यादीत न आढळणारे इतर उपद्रव व्यक्ती असल्यास 15 प्रकरणांची नोंद करून 3,000 दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास 8 प्रकरणांची नोंद करून रु.8,000 चे दंड वसूल करण्यात आलेला आहे. हरित लवाद यांच्या आदेशान्वये व निर्देशित केल्याप्रमाणे विवाह सभागृह व इतर ठिकाणी दंडात्मक कारवाई या अंतर्गत 1 प्रकरणाची नोंद करून रू.10,000 दंड वसुल करण्यात आले. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
तसेच उपद्रव शोध पथकाने लक्ष्मीनगर झोन अंतर्गत मे. रामेश्वरी मेडिकल स्टोअर यांनी सी अँड डी कचरा फुटपाथवर टाकल्यामुळे रू.5,000 चे दंड वसुल करण्यात आले. धरमपेठ झोन अंतर्गत मे. हैद्राबाद बिरयानी डॉट कॉम यांनी अनधिकृत जागी हॉटेलचे उरलेले अन्न टाकल्यामुळे रू.5,000 दंड वसुल करण्यात आले.गांधीबाग झोन अंतर्गत मे.लाहिरी स्वीटस आणि मे.राधे स्वीटस यांनी प्रतिबंधात्मक प्लास्टिक पिशवीचा वापर केल्याबद्दल प्रत्येकी रू. 5,000 या प्रमाणे रू.10,000 चे दंड वसूल करण्यात आले.आशीनगर झोन अंतर्गत स्वप्नील कालोडे यांनी मनपाच्या चेंबरवर बांधकाम केल्यामुळे रू.5,000 दंड वसुल करण्यात आले. मंगळवारी झोन अंतर्गत अमन दुबे यांनी मंगळवारी डंपींग एरिया मध्ये अन्न टाकल्यामुळे रू.10,000 चे दंड वसुल करण्यात आले.उपद्रव शोध पथकाने 6 प्रकरणांची नोंद करून रू.35,000 दंड वसूल केला.
