नागपूर महानगरपालिकेच्या उपद्रव शोध पथकाद्वारे सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई केली जात आहे. मंगळवार (ता.०४) रोजी शोध पथकाने ९१ प्रकरणांची नोंद करून ५४,९०० रुपयाचा दंड वसूल केला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. 400/- दंड) या अंतर्गत ३२ प्रकरणांची नोंद करून १२,८०० रुपयांची वसुली करण्यात आली. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे (रु. 400/- दंड) या अंतर्गत ०६ प्रकरणांची नोंद करून रू. २,४०० चे दंड वसुली करण्यात आली. मॉल,उपहारगृहे, लॉजिंग, बोर्डींग हॉटेल, सिनेमा हॉल, मंगल कार्यालय, कॅटरर्स सर्व्हिस प्रोव्हायडर इत्यादींनी रस्ता या अंतर्गत १ प्रकरणांची नोंद करून २,००० रुपयांची वसुली करण्यात आली. वाहतूकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत २१ प्रकरणांची नोंद करून २७,५०० रुपयांची वसुली करण्यात आली. चिकन सेंटर, मटन विक्रेता, यांनी त्यांचा कचरा रस्ता, फुटपाथ, मोकळी जागा, अशा ठिकाणी टाकणे या अंतर्गत 1 प्रकरणांची नोंद करून 1,000 रुपयांची वसुली करण्यात आली. वर्कशॉप, गॅरेजेस व इतर दुरूस्तीचे व्यावसायिकाने रस्ता, फुटपाथ, मोकळी जागा इत्यादी ठिकाणी कचरा टाकणे/साठवणे या अंतर्गत ०१ प्रकरणांची नोंद करून १,००० रुपयांची वसुली करण्यात आली. उपरोक्त यादीत न आढळणारे इतर उपद्रव व्यक्ती असल्यास २६ प्रकरणांची नोंद करून ५,२०० रुपयाचा दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास ०३ प्रकरणांची नोंद करून रु. ३,००० चे दंड वसूल करण्यात आलेला आहे. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
तसेच उपद्रव शोध पथकाने पथकाने लक्ष्मीनगर झोन अंतर्गत मे. सुभाष निकम यांनी सी अँड डी कचरा रस्त्यालगत टाकल्यामुळे रू.5,000 चे दंड वसुल करण्यात आले. धरमपेठ झोन अंतर्गत मे. हाई टेक बिल्डर्स यांनी बांधकामाचे साहित्य रस्त्यालगत टाकल्याने रु. १०,००० दंड वसूल करण्यात आले. तसेच महादेव नारायण वानखेडे यांनी हॉटेलचा कचरा अनधिकृत जागेवर टाकल्याने रू. ५,००० दंड वसुल करण्यात आले. हनुमान नगर झोन अंतर्गत मे. कान्हा इंराईज यांनी बांधकामाचे साहित्य रस्त्यालगत टाकल्याने रु. १०,००० दंड वसूल करण्यात आले. गांधीबाग झोन अंतर्गत मे. शाहू स्विट्स व मे. राज किराणा स्टोअर यांनी प्रतिबंधात्मक प्लास्टिक पिशवीचा वापर केल्याबद्दल प्रत्येकी रु. ५,०००/- असे एकुण रु. १०,०००/- चे दंड वसूल करण्यात आले. सतरंजीपुरा झोन अंतर्गत मे. गणेश डिस्पोजल यांनी प्रतिबंधात्मक प्लास्टिक पिशवीचा वापर केल्याबद्दल रु. ५,०००/- चे दंड वसूल करण्यात आले. आशीनगर झोन अंतर्गत मे. कक्कड ज्वेलर्स प्रा. लि. यांनी विनापरवानगी विद्युत खांबावर जाहिरातीचे फलक लावल्याने रू. 5,000/-दंड वसुल करण्यात आले. उपद्रव शोध पथकाने ०८ प्रकरणांची नोंद करून रू. ५०,००० दंड वसूल केला.
