मनपा शाळेतील विद्यार्थी गिरवणार आर्थिक साक्षरतेचे धडे
अर्थसंकल्पातील योजनांची प्रत्यक्ष कृती उतरण्यास सुरुवात विद्यार्थ्यांना दैनंदिन शिक्षणासोबतच आर्थिक शिक्षण
Date : 30 Jun 2026
हान वयातच आर्थिक साक्षरता (Financial Literacy) विकसित होणे अत्यंत आवश्यक आहे. पैशाचे योग्य व्यवस्थापन, बचतीची सवय, गुंतवणुकीची प्राथमिक समज आणि जबाबदार खर्च यांसारख्या मूलभूत गोष्टी बालपणातच शिकवल्यास विद्यार्थ्यांची आर्थिक विचारसरणी अधिक सक्षम बनते. यासाठी शाळांमध्ये आर्थिक साक्षरतेविषयीचे शिक्षण समाविष्ट करण्यात येईल. प्रत्यक्ष उदाहरणे, उपक्रम आणि साध्या पद्धतींनी दिलेले हे शिक्षण विद्यार्थ्यांना भविष्यात सुजाण, आत्मनिर्भर आणि आर्थिकदृष्ट्या सक्षम नागरिक बनण्यास मदत करेल. अशी माहिती स्थायी समिती सभापती श्रीमती शिवानी दाणी वखरे यांनी अर्थसंकल्प मांडताना दिली होती. त्यानुसार शिक्षण सभापती श्रीमती संतोषदेवी लढ्ढा यांनी महापौर श्रीमती निता ठाकरे यांच्या मार्गदर्शनात प्रत्यक्ष कृतीला प्रारंभ केला आहे. शाळेच्या पहिल्या दिवशी पासूनच विद्यार्थ्यांना आर्थिक साक्षरतेचे धडे गिरविल्या जात आहेत.
याबद्दल माहिती देताना श्रीमती संतोष देवी लड्डा म्हणाल्या की, बालपणातच आर्थिक साक्षरतेच धडे दिल्यास विद्यार्थ्यांची आर्थिक विचारसरणी अधिक सक्षम बनणार त्यामुळे साध्या पद्धतींनी दिलेले हे शिक्षण विद्यार्थ्यांना भविष्यात सुजाण, आत्मनिर्भर आणि आर्थिकदृष्ट्या सक्षम नागरिक बनण्यास मदत करेल. याची सुरुवात महानगरपालिकेच्या शाळेत करण्यात आली आहे.
