NMC News

नागपूर महानगरपालिका धरमपेठ झोन क्र. ०२, अंतर्गत दि. 22/09/2026 रोजी नागपूर शहर पोलीस यांच्या संयुक्त विद्यमाने आज सीताबर्डी मन रोड, परिसरातील रस्त्यावरील ओटे शेड आणि फुटपाथवरील दुकानदारांवर तत्परतेने अतिक्रमण विरोधी कारवाई करण्यात आली. या कारवाईमुळे फुटपाथ आणि मुख्य रस्ता अतिक्रमणांपासून मुक्त करण्यात आला आहे.

सदर कारवाई मा.आयुक्त मनपा नागपूर, मा. पोलीस आयुक्त नागपूर शहर, उपायुक्त वाहतुक, नागपूर यांच्या संयुक्तिक मार्गदर्शनाखाली करण्यात आली. अतिक्रमण निर्मुलन कारवाई मधे धरमपेठ झोन चे सहाय्यक आयुक्त श्री. राजकुमार मेश्राम, अतिक्रमण पथक धरमपेठ झोन, एन.डी.एस अधिकारी व कर्मचारी संपूर्ण कार्यवाहीमध्ये उपस्थित होते.
नागरिकांना आणि वाहनधारकांना होणारा वाहतुकीचा त्रास कमी करणे तसेच शहरात फुटपाथ नागरिकांना मोकळे करुन देने हा या मोहिमेचा मुख्य उद्देश आहे. आगामी दिवसांत शहरातील इतर प्रमुख मार्गांवरही अशाच प्रकारची कडक कारवाई सुरूच राहणार व अश्या दुकानदारांविरुध्द गुन्हा दाखल करण्यात येत आहे व त्याअन्वये 5 दुकानदारांवर गुन्हा दाखल करण्यात आला आहे.