NMC News

नागपूर महानगरपालिका, दीनदयाल अंत्योदय योजना व राष्ट्रीय नागरी उपजीविका अभियान अंतर्गत सोनचिरैया शहरी उपजीविका केंद्रातील बचत गटांद्वारे मनपाच्या मुख्यालयाच्या प्रशासकीय इमारतीमध्ये दिवाळीनिमित्त सुरू केलेल्या विविध वस्तू विक्री स्टॉलला महापौर श्रीमती निता ठाकरे यांनी भेट दिली. यावेळी स्थायी समितीच्या सभापती श्रीमती शिवानी दाणी-वखरे, सत्ता पक्षनेता श्री. नरेंद्र (बाल्या) बोरकर उपस्थित होते. तत्पूर्वी मनपा आयुक्त डॉ. विपीन, अतिरिक्त आयुक्त श्री. अंकित, श्री. मुरुगानंथम एम, श्री. मिलिंद मेश्राम, उपायुक्त डॉ. रंजना लाडे, महिला व बालकल्याण विशेष समिती सभापती श्रीमती सारिका नांदुरकर यांनी देखील स्टोल ला भेट दिली. बचत गटांद्वारे तयार केलेल्या साहित्यांची पदाधिकारी व अधिकाऱ्यांनी खरेदी केली.

महापौरांनी यावेळी स्टॉलवरील महिलांशी संवाद साधला तसेच स्टॉलवरील वस्तूंची खरेदी सुद्धा केली. स्थायी समितीच्या सभापती श्रीमती शिवानी दाणी-वखरे, सत्ता पक्षनेता श्री. नरेंद्र (बाल्या) बोरकर यांनी सुद्धा दिवाळीनिमित्त विक्रीसाठी स्टॉलवरील वस्तूंची खरेदी केली. या स्टॉलवर सोनचिरैय्य शहरी उपजीविका केंद्रातील महिलांनी तयार केलेले शर्ट, साड्यांसह दिवाळीनिमित्त फराळांचे पदार्थ व इतर खाद्य पदार्थ विक्रीसाठी उपलब्ध आहेत.

महापौरांकडून कौतुक
सोनचिरैया उपजिविका केंद्रातील महिलांनी कौशल्य संपादन करून विविध वस्तूंची निर्मिती केली आहे. सर्वांनी या स्टॉलला भेट देऊन वस्तूंची खरेदी करावी, असे आवाहन महापौर श्रीमती निता ठाकरे यांनी यावेळी केले. तसेच या उपक्रमाचे कौतुक केले.